ұзартылған заряд

(Удлиненный заряд)

миналы жарылғыш және басқа бөгеттерден өткел жасау үшін қолданылатын заряд. Ұ.з. жалпы ұзындығы барланған миналы алаңның немесе өзге бөгеттің еніне тең жеке буындардан құрастырылады. Ұ.з-тың әрбір буынының ұзындығы 2 м, диаметрі 53 мм, салмағы 5 кг-дай, ішіне жарылғыш зат салынған металл құбырдан тұрады. Жалпы буын салмағы 10 кг болады. Заряд мина алаңына миналы тралды танкімен немесе арнайы арбамен жылжытылады. Ұ.з. жекеленген, қосарланған немесе тізбектелген зарядтар түрінде жиналуы мүмкін. Миналы алаңда қосарланған Ұ.з. жасайтын өту жолының кеңдігі 4—6 м-ге тең.